Silsilah Silalahi

Pernyataan Pomparan ni Datu Gontan Tambunan Lumban Pea dan Punguan Pomparan ni Datu Gontan Tambunan Lumban Pea anak dohot boruna di kota besar Medan.

Menimbang :

1. Ala tingki on gabe tutu sada nari pandapot na mandok 2 (dua) halak do hape silahisabungan jala 8 (walu) halak anaknya, gabe mangkorhon perpecahan dipomparan ni Silahisabungan, alani i, Pomparan ni Datu Gontan Tambunan Lumban Pea anak dohot boruna di Kota besar Medan porlu manontuhon sikap / pendirian.
2. Ala adong tahi ni sepihak laho pajongjonghon Tugu / makam ni Ompu Silahisabungan di Paropo, mangkorhon perpecahan alani on :
Pomparan ni Datu Gontan Tambunan Lumban Pea anak dohot boruna se kota besar Medan porlu manontuhon sikap / pendirian.
3. Ala naung adong hian TAMBAK ni Omputta Silahisabungan di Dolok Parmasan Pangururan, jala adong tahi naeng mamagar manang padengganton Tambak i Punguan Pomparan ni Datu Gontan Tambunan Lumban Pea anak dohot boru se kota besar Medan MANOLOPI ULAON NA DENGGAN I.

Mengingat :

1. Tona ni ompunta sijolo-jolo tubu naung taparmudarhon sian na jolo sahat tu sadarion na mandok : 3 (tolu) halak na nialap ni (Ompunta boru) Silahisabungan jala 9 (sia) halak do anakna.
2. Poda ni Ompunta tu sude pinomparna mandok : ingkon parmudarhonon jala ingkon ulahonon do sude isi ni Padan Sagu-sagu Marlangan dohot Dengke hilaean binahen ni ompunta Silahisabungan tu sude anakhonna i ma :
Manontuhon / manolophon :

Parjolo :
Punguan pomparan ni Datu Gontan Tambunan Lumban Pea anak dohot boruna sekota besar Medan ndang parsidohot jala ndang panolopi tu na pajongjong / paojakhon TUGU / MAKAM Silahisabungan di Paropo ala menimbulkan perpecahan.
Paduahon :
Punguan pomparan ni Datu Gontan Tambunan Lumban Pea anak dohot boruna sekota besar Medan manolopi jala parsidohot tu pemagaran / padenggan Tambak ni Ompunta Silahisabungan naung adong di Dolok Parmasan Pangururan.
Patoluhon :
Nasa na dohot sian pomparan ni Datu Gontan Tambunan Lumban Pea na hundul di Panitia tugu / makam Silahisabungan di Paropo, dang utusan jala ndang na mamboan goar ni punguan Datu Gontan Tambunan Lumban Pea anak dohot boruna.
Paopathon :
3 (tolu) halak do na tangkas binoto ripe / nialap ni Ompunta Silahisabungan ima :
1. Pinta Haomasan Boru Sibaso Nabolon boruni Sorbadijulu (iboto ni Simbolon)
2. Pinggan Matio boru Padang Batanghari
3. Sanggul meleng-eleng boru ni Raja Mangarerak (ibotoni Manurung)

Palimahon :
9 (sia) halak do anak ni Ompunta Silahisabungan ima :
- Tubu ni Ompunta Sibaso Nabolon :
1 (sada) Silalahi (Silahi Raja)
- Tubu ni Ompunta Pinggan Matio ima :
1. Sihaloho
2. Situngkir
3. Romasondi
4. Sidebang
5. Sinabutar
6. Sinabarita
7. Pintubatu
- Tubu ni Ompunta sanggul Meleng-eleng boru ni Raja Mangarerak (ibitoni Manurung)
1 (sada) ima si Raja Tambun .